विश्वकपको रौनकमा नेपाली सेलिब्रेटीहरु पनि रम्दै, अधिकांश सेलिब्रेटीको रोजाईमा मेस्सी

काठमाडौं । विश्वकप फुटबलको रौनकले ठण्डी मुलुक मानिएको रुसलाई तताइरहदा विश्वको ध्यान पनि उतै केन्द्रित छ । विश्ववासीलाई नै लठ्याउने शक्ति रहेको विश्वकप फुटबलका कारण फुटबलप्रेमी मुलुक पनि नेपाल पनि अछुतो छैन् । गाउँठाउँ विश्कपकै चर्चा छ , टोल शहर जताततै माहौल विश्वकपकै छ । यही माहौलबाट नेपाली सेलिब्रेटीहरु पनि टाढा रहन सकेका छैनन् ।

रुसमा जारी विश्वकप २०१८ को पहिलो चरणको खेल समाप्त भएपछि यस्को पारो अब झन बढेको छ । केहीको रोजाईमा परेको टोलीहरु बाहिरिदै गर्दा केहीको रोजाई अझै मैदानमा छन् । अब सुरु हुने नकआउट चरणका खेलहरुले विश्वकपको गर्मागर्मी अझै बढ्ने निश्चित हुँदा नेपाली सेटिब्रेटीहरु पनि विश्वकप फुटवललाई लिएर निकै उत्साहित देखिन्छन् ।

कतिपय कलाकारहरुले त आफूले समर्थन गरेको टिमको जर्सी लगाएर सामाजिक सञ्जालमा फोटो समेत सार्वजनिक गरेका छन् । केही कलाकारले आफ्नो मनपर्ने टिम र खेलाडीको समर्थनका लागि स्टाटस र क्याप्सन राख्दै समर्थन जनाएका छन् । खेलाडीको समर्थन र अड्कलबाजी यतिबेला हाम्रा सेलिब्रेटीहरुको सामाजिक सञ्जाल पनि रङ्गिन छन् ।

विश्वकपले नेपाली फिल्म क्षेत्रका कलाकारलाई पनि छोप्दा उनीहरुले खुलेरै आफूलाई मन पर्ने टिमलाई समर्थन गरिरहेका छन् । सदाबहार अभिनेता भुवन केसी अहिले छोरा अनमोललाई लिएर फुटबल खेलको विषयमा ‘क्याप्टेन’ चलचित्र बनाइरहेका छन् । उनी र छोरा अनमोल पनि अर्जे्िन्टनाका समर्थक हुन् ।

चिया पसलदेखि सार्वजनिक स्थलहरू जताततै विश्वकपकै चर्चा छ । कोही आफनो टिमले राम्रो खेल्दा दङग छन् त कोही समर्थन गरेका टिमबाट निराश पनि छन् । त्यस्तै नायक अनुप विक्रम शाही र गायक राजेशपायल राई, निमार्ता संघ तथा चलत्रिचसंघका पूर्व अध्यक्ष राजकुमार राई लगायत अन्य सेलिबे्रटिहरु पनि आफुलाई विश्वकप फुटबलले छोएको बताउछन् ।

हुन पनि फुटबललाई संसारका सबै मानिसले बुझ्ने साझा र सरल भाषाकोरुपमा पनि सम्मान गरिन्छ । यही शक्तिको आकर्षणले अहिले नेपाली सेलिब्रेटीहरु पनि लठ्ठ छन् ।

विश्वकप फुटबल : नेपाली कलाकार कसको पक्षमा ?

अधिकांश नेपाली सेलिब्रेटीको रोजाईमा अर्जेन्टिना र लियोनल मेस्सी