२० भदौ, काठमाडौं – नेपाली चलचित्रकी नायिका करिश्मा मानन्धरले मैतिदेवीस्थित त्रिवेणी पब्लिक स्कुलमा कक्षा ९ मा पढ्न थालेकी छन् । ग्यालेक्सी पब्लिक स्कुलबाट कक्षा आठ पास गरेकी नायिका मानन्धर मैतिदेवीस्थित त्रिवेणी पब्लिक स्कुलमा भर्ना भएकी हुन ।
सोमबार काठमाडौँमा आयोजित एक कार्यक्रममा सञ्चारकर्कीसँग कुरा गर्दै उनले भनिन्,’ म पुन: नियमित अध्ययनमा लागेकी छु । नियमित कक्षामा जान त सक्दिन् । तर अध्ययन भने त्रिवेणीमा अध्ययन गर्न थालेकी छु ।’
उनले आफूलाई पढ्नको लागि पार्टीले समेत उत्प्रेरित गरेको बताइन् । पार्टी संयोजक बाबुराम भट्टराईले बाँचुञ्जेल अध्षययनशील हुन आफ्नो पढाईलाई निरन्त्रता दिनआग्रह गर्दै आएका थिए । पार्टी अध्यक्ष समेत रहेका बाबुरामले पटक पटक अध्ययन गर्न भने पछि उनि कक्षा नौ मा भर्ना भएकी हुन् । उनी नयाँ शक्ति पार्टीको सांस्कृतिक विभागकी प्रमुख पनि हुन् ।
