संगीतमा पानी पार्दै बादल घिमिरे

नयाँ वर्षको आगमनसँगै वर्षायाम पनि सुरू हुँदैछ । यदी तपाईले छाता किन्नुभएको छैन भने किनिहाल्नोस् किनभने गीतकार र संगीतकार बादल घिमिरेले यस वर्ष नेपाली संगीतमा भारी वर्षा गराउने तयारीमा छन् ।
उनको दोस्रो गीति एल्बम पानी पानी यही जेठको दोस्रो हप्ता सार्वजनिक हुँदैछ । नायक आर्यन सिग्देलले सार्वजनिक गर्ने तयारी रहेको यस एल्बममा रोमान्टिक नंबरका गीतहरू समावेश छन् । राजेश पायल राई, राज सिग्देल, रजिना रिमाल, रूपक डोटेल, मिलन अमात्य लगायतको आवाजमा संगीत भरेका बादललाई डाक्टर साबले भन्छन् … गीतका लागि संगीतकार सुरेश अधिकारीले साथ दिएका छन् ।
वरिष्ठ संगीतकार सुरेश अधिकारीको नजरमा बादल घिमिरे सुरेश अधिकारी, महेश खड्का, वसन्त सापकोटाका लगायका उत्तराधिकारी हुन् । चण्डीप्रसाद काफ्लेसँग संगीत सिकिरहेका बादलले पानी पानी एल्बममा संगीत सिर्जनामा केही फरक शैली अपनाएका छन् ।
बजारमा आउनूअगि नै केही गीतहरूलाई स्रोताले निकै रूचाइदिएका छन् । यसै एल्बमको गीत डाक्टर साबले भन्छन् … युट्युबमा पाइरेसी भएसी नेपाली संगीतमा हंगमा मच्चिएको थियो । पानी पानी एल्बमका लागि फोटोसुटका क्रममा भेटिएका संगीतकार घिमिरेले तिमीलाई देख्ने बित्तिकै यो मन हुन्छ पानी पानी बोलको गीत स्टुडियो भित्रै गाउन भ्याए ।

कमेन्ट गर्नुहोस्

comments