टंक सुनार
रुपन्देही, भदौ २१ । नवलपरासीको सुनवलमा सडक दुर्घटना हुँदा दुई जनाको मृत्यु भएको छ । बुटवलबाट सुनवल तर्फ जादै गरेको लु १ च ६१७६ नम्बरको वीइङ्गरले सुनवलबाट बुटवल तर्फ आउँदै गरेको लु १४ प ९७०८ नम्बरको स्कुटलाई सुननवल–७ ज्यामिरेमा बुधबार ठक्कर दिदा स्कुटरमा सवारमा दुई जनाको मृत्यु भएको हो ।
मृत्यु हुनेमा सुनवल–७ का ३५ बर्षिय देव बहादुर नेपाली र सोही स्थानकी ३३ बर्षिय मिना नेपाली रहेको इलाका प्रहरी कार्यालय सुनवलका हवल्दार रुद्र प्रसाद सापकोटाले जानकारी दिनु भयो । उपचारका लागि देवदह मेडिकल कलेज भलुही लगिएकोमा देव बहादुरलाई डाक्टरले मृत घोषणा गरेका थिए । भने मिनालाई युनिभर्सल मेडिकल कलेज रानीगाउँ भैरहवा रीफर गरीएको थियो । उनको उपचारका क्रममा मृत्यु भएको उपचारमा सम्लग्न डाक्टरहरुले बताएका छन । ठक्कर दिने गाडी र चालकलाई प्रहरीले नियन्त्रणमा लिएको छ ।
