काठमाडौं ।
कञ्चनपुर जिल्लाको भिमदत्त नगरपालिका–१० गड्डाचौकी सीमा ईलाकाबाट साेमबार ५ लाख भारतीय रुपैयाँसहित प्रहरीले एक जनालाई पक्राउ गरेकाे छ ।
सोही नगपारलिका–६ ऐठपुर बस्ने २८ बर्षीय नवराज जैशीलाई सशस्त्र प्रहरी बल नेपाल प्रस्तावित सीमा सुरक्षा गुल्म गड्डाचौकीले प्रकाउ गरेकाे हाे ।
भारतबाट नेपालतर्फ आउँदै गरेका उनले उल्लेखित रुपैयाँको श्रोत खुलाउन नसकेपछि नियन्त्रणमा लिइएको हो । उक्त रुपैयाँमा पाँच सय दरको १ हजार वटा भारतीय नोट रहेको छ ।
पक्राउ परेका उनलाई बरामद रुपैयाँसहित आवश्यक कारवाहीको लागि राजश्व चुहावट नियन्त्रण कार्यालय कोहलपुरमा बुझाइएकाे छ ।
यो समाचार न्युज अफ नेपालबाट लिईएको हो ।
