धरान।
सुनसरीको धरान उपमहानगरपालिका–१३ स्थित शिवधाराबाट सशस्त्र प्रहरीले २ हजार १ सय ३० किलो गाँजासहित एक ट्रक नियन्त्रणमा लिएको छ।
कोशी लोकमार्गमा नियमित गस्तीका क्रममा विशेष सूचनाको आधारमा भेडेटारबाट धरानतर्फ आउँदै गरेको प्रदेश १–०२–००२ ख ०८४८ नम्बरको ट्रकलाई सशस्त्र प्रहरी बल नेपाल, सुरक्षा बेस धरानले सोमबार नियन्त्रणमा लिएको हो।
उक्त ट्रकमा ७० बोरा गाँजा, ३१ बोरा अदुवा र केही तरकारीहरु राखिएको थियो। सशस्त्र प्रहरीले ट्रक नियन्त्रणमा लिई अनुसन्धान थालेको छ भने गाँजा ल्याउने व्यक्ति र ट्रक चालक हालसम्म फरार रहेका छन्।
बरामद गाँजा, ट्रक तथा अन्य सामग्रीहरु आवश्यक कारवाहीका लागि सम्बन्धित निकायमा बुझाउने प्रक्रियामा रहेको सशस्त्र प्रहरी नायव उपरीक्षक तथा सह–प्रवक्ता शैलेन्द्र थापाले जानकारी दिए।
यो समाचार न्युज अफ नेपालबाट लिईएको हो ।
