“म यस्तो गीत गाउछु” को ट्रेलर सार्वजनिक

केहि हप्ता देखि “भन्छु आज मनका कुरा” भन्ने बोलको गीत निक्कै नै चर्चित भैरहेको छ । यो गीत “म यस्तो गीत गाउछु” भन्ने चलचित्रको हो र यो गीतलाइ अप्रिल ३० मा युट्युबमा अपलोड गरिएको थियो। चालिस दिनमा यो भिडियो ३४ लाख भन्दा बढिले हेरिसकेका छन्। हिजो आज नयाँ चलचित्रका गीत सुरुमा प्रचार गर्ने चलन बढेको छ र जब गीत हिट हुन्छ अनि बल्ल ट्रेलर अपलोड गरिन्छ। युट्युब नै प्रोमोसन गर्ने एउटा साधन पनि बनेको छ र युट्युब कै भियुज अनुसार दर्शकहरुले रुचाएको या नरुचाएको भनेर आंकलन लाउने चलन छ।
त्यस्तै “म यस्तो गीत गाउछु” चलचित्रले पनि यहि फर्मुला अपनाएको छ र एक दिन मै एक लाख भन्दा बढिले यो ट्रेलर हेरिसकेका छन्। पल शाह र पुजा शर्माको मुख्य अभिनय भएको यस चलचित्रलाइ लेखन र निर्देशन सुदर्शन थापाले गरेका छन् भने यसका निर्माता पनि सुदर्शन थापा र पुजा शर्मा रहेका छन्। सुदर्शन थापा प्रोडक्सन द्वारा निर्माण गरिएको यस चलचित्र भने असार ३०/जुलाई १४ गते रिलिज हुनेछ।

कमेन्ट गर्नुहोस्

comments