भरतपुर महानगरपालिकाको मेयरमा रेणु दाहाल विजयी

श्रावण २१, चितवन– लामो विवाद र चर्चाको शिखरमा रहेको चितवनको भरतपुर महानगरपालिकामा कांग्रेस माओवादी गठबन्धनबाट मेयरकी उम्मेदवार रेणु दाहाल निर्वाचित भएकी छन् । एमालेका देवी ज्ञवाली भन्दा २ सय ३५ मत बढी प्राप्त गरी रेणु मेयरमा निर्वाचित भएकी हुन् । निर्वाचन कार्यालयले औपचारिक घोषणा भने गरिसकेको छैन । भरतपुर महानगरपालिकामा वैशाख ३१ गते पहिलो चरणमै निर्वाचन भएको थियो ।
तर मतगणनाका क्रममा जेठ १४ गते राती दलका प्रतिनिधिले वडा नम्बर १९ को गणनाका क्रममा मतपत्र च्यातलेपछि विवाद विवाद भइ सो वडामा साउन २० गते पुनः मतदान भएको थियो । पुनः मतदान गर्ने निवाचन आयोगको निर्णय विरुद्ध एमाले कार्यकर्ताले सर्वोच्चमा रिट हालेपछि फैसाल हुन लामो समय लागको थियो । सर्वोच्चले आयोगको निर्णयको पक्षमा फैसला सुनाएपछि १९ नम्बर वडामा पुनः मतदान गरिएको थियो ।
विवादका कारण बाँकी रहेको १९ मा पुनः मतदान गरेपछि १९ र २० नम्बर वडाको मतगणना गरिएको हो । यस्तै, उपप्रमुखमा पनि कांग्रेस–माओवादी गठबन्धन नै विजयी भएको छ । उपप्रमुखमा नेपाली कांग्रेसकी पार्वती शाह निर्वाचित भएकी हुन् ।
आइतबार विहान १० बजे भरतपुरको चौविसकोठीबाट विजयी र्याली निकाल्ने कार्यक्रम तय भएको माओवादी केन्द्रका नेता हिमाल शर्माले जानकारी दिए ।

कमेन्ट गर्नुहोस्

comments