नेपाल समाचारपत्र, नुवाकोट
चालु आर्थिक बर्षको ११ महिनामा नुवाकोटमा ५३ जना महिलाहरु बेपता भएकोे जिल्ला प्रहरी कार्यालय नुवाकोट अन्तर्गतको महिला तथा बालबालिका सेवा केन्द्रले जनाएको छ ।
जिल्ला प्रहरी कार्यालय नुवाकोटमा आर्थिक बर्ष २०७४।७५ मा दर्ता भएका घटनाको बिबरण अनुसार गत साउन देखि जेठ महिनासम्म ९० जना महिला हराएका मध्ये ३७ जना महिलालाई खोजी गरि आफन्तलाई बुझाईएको उल्लेख गरिएको छ । हराइरहेका ५३ जना महिलाहरुको खोजी कार्य जारी रहेको नुवाकोट प्रहरीले जनाएको छ ।
यस्तै, जिल्ला प्रहरी कार्यालय नुवाकोटको महिला तथा बालबालिका सेवा केन्द्रका प्रहरी सहायक निरिक्षक सुकुमाया तामाङले चालु आर्थिक बर्षमा नुवाकोटमा बहुबिवाहका ६, मानब बेचबिखन तथा ओसारपोसारका ३, सार्वजनिक अपराधका ३, बिष सेवनका १६, झुण्डिएर आत्महत्या गरेका १८, भबितब्यका ९, जबरजस्तीकरणीका १०, जबरजस्तीकरणी उद्योगका ७ वटा घटनाहरु दर्ता भएको जानकारी दिए ।
उहाँले घरेलु हिंसाको उजुरी ६३, मिलापत्र भएको ५३, अदालत गएको ५, कार्बाही भईरहेको ५, बालिका हराएकोे २३ र भेट्टाएको ११, बालक हराएको १० र भेट्रटाएको ६, कर्तब्य ज्यानका ४ वटा घटनाहरु दर्ता भएको बताए ।
यस्तै, चालु आर्थिक बर्षमा जिल्ला प्रहरी कार्यालय नवाकोटको महिला तथा बालबालिका सेवा केन्द्र क्षेत्रभित्र लागु औषध दुब्र्यसनी, सवारी अंगभंग, चोरी, ज्यान मार्ने उद्योग, बोक्सीका आरोप जस्ता घटनाहरुको दर्ता नभएको प्रहरी सहायक निरिक्षक सुकुमाया तामाङले जानकारी दिए । पछिल्लो समय नुवाकोट प्रहरीले जिल्ला भित्र अपराधका घटनाहरु हुन नदिन बिभिन्न स्थानीय तहमा सचेतनामुलक अभियानहरु सञ्चालन गर्दै आएको छ ।
जिल्लाको बिभिन्न्न स्थानमा महिला तथा बालबालिकाको क्षेत्रमा समस्या अथवा घटना हुन गएमा नागरिकहरुले जिल्ला प्रहरी कार्यालय नुवाकोटको पैसा नलाग्ने हटलाईन नम्बर १०४ मा फोन गरी उजुरी गर्न सकिने जिल्ला प्रहरी कार्यालय नुवाकोटले जनाएको छ ।
यो समाचार न्युज अफ नेपालबाट लिईएको हो ।
