नेपाल समाचारपत्र, काठमाडौं
हाल महाराजगन्जमा रहेको राष्ट्रिय प्रहरी प्रशिक्षण प्रतिष्ठानलाई स्थानान्तरण गर्दै पनौतीमा प्रतिष्ठान निर्माण गर्ने कार्य ढिलाई हुदा उक्त जग्गामा अञ्चल सशस्त्र गुल्म बाग्मतीका प्रहरीहरु धानखेति गरि बसेका छन् । नेपाल सरकारको नाममा रहेको करिब ९ सय रोपनी जग्गा खालि भएपछि अञ्चल सशस्त्र गुल्म पनौतीमा बसेको छ । गुल्ममा ८४ जना प्रहरी बसेका छन् ।
भारत सरकारको करिब ९ अर्ब रुयौया सहयोगमा पनौतीमा निर्माण गर्ने भनिएको राष्ट्रिय प्रहरी प्रशिक्षण प्रतिष्ठानको लागि आवश्यक जग्गा अधिग्रहण गरिसकेको छ ।
राष्ट्रिय प्रहरी प्रशिक्षण प्रतिष्ठान निर्माणको लागि अधिग्रहण गरिएको जग्गा मध्य करिब ५० रोपनी जग्गामा अञ्चल सशस्त्र गुल्म बाग्मतीका प्रहरीहरु गरेको धनखेतीबाट साढे तीन महिनामा करिब ५ लाख रुपैया आम्दानी हुने बताइन्छ ।
पनौतीमा प्रहरी प्रशिक्षण प्रतिष्ठान निर्माणको लागि २०५२ साल देखि नै जग्गा अधिग्रहण गर्न थालिएको भएपनि सन् २०१४ मा मात्र नेपाल र भारत वीच सम्झौता भएको थियो ।
प्रतिष्ठान निर्माण बारे प्रक्रिया बारे जानकारी दिदै प्रहरी प्रवक्ता शैलेश थापाले कन्सल्टेनसी नियुक्तिको लागि एमओयू आवश्यक संशोधन गरि भारत र नेपाल दुवै पक्ष अघि बढेको बताउनु भएको छ । दुवै पक्षको सहमतिले एमओयु संशोधन भएको उहाको भनाई छ ।
भारतीय प्रधानमन्त्री नरेन्द्र मोदी दक्षिण एसियाली क्षेत्रीय सहयोग सङ्गठन (सार्क)को बैठकमा सहभागी हुन नेपाल आउँदा तालिम केन्द्र निर्माणसम्बन्धी परियोजनाको सम्झौतामा हस्ताक्षर भएको थियो । परियोजनाका लागि भारतले रु आठ अर्ब ७९ करोड १३ लाख ८० हजार सहयोग गर्ने सम्झौताअनुरुप पहिलो चरणमा भारतले दुई अर्ब ३० करोड ७८ लाख ४५ हजार पठाइसकेको छ ।
प्रतिष्ठान निर्माण कार्यमा ढिलाई भएसंगै प्रतिष्ठानको लागि खरिद गरिएको जग्गामा धान खेती गरि बसेका छन् । अञ्चल सशस्त्र गुल्म पनौतीले सो जग्गामा धान खेति गरे पछि प्रहरीले धान खेति गर्न पाउने की नपाउने भन्ने वहस पनि चलेको छ । करिब ५० रोपनी जग्गामा अहिले प्रहरीले धान रोपेका छन् । त्यो धानबाट हुने आम्दानी कस्को हुन्छ भन्ने बारेमा गुल्मका प्रहरी निरिक्षक दिनेश पौडेल भन्नुहुन्छ– प्रहरी जवानहरुको परिवारले नै खान्छन् ।
गुल्मका प्रहरीहरुले यो धानखेती बाट साढे तीन महिनामा ५ लाख भन्दा बढी आम्दानी गर्छन ।
प्रहरी धान खेती गरेर बस्ने की शान्ति सुरक्षामा खटिने भन्ने बारेमा प्रहरी निरिक्षक पौडेलले धान खेतिले डिउटीमा असर नगरेको बताउछन् । सरकारको नै जग्गा बाझो नराख्ने नीति भएकोले प्रहरीले धानखेती गरेको उहाको भनाई छ । ‘कृषि मन्त्री आएर यो प्रहरी प्रतिष्ठानको जग्गा कीन बाझो राखेको भनेर सोधेभने हामिले के जवाफ दिने’ प्रहरी निरिक्षक थापा भन्नुहुन्छ– बाझो जग्गामा धान रोपेर प्रहरीले खानु नराम्रो होइन ।
प्रतिष्ठानको जग्गामा सिजन अनुसारका खेति गर्ने गरेको उहाको भनाई थियो । यस विषयमा प्रहरी प्रवक्ता थापाले धानखेतिबाट हुने आम्दानी संस्थागत हुनुपर्ने हाकिमलाई पोस्न नहुने बताउनु हुन्छ ।
यो समाचार न्युज अफ नेपालबाट लिईएको हो ।
